डम डम डमाक..

डोंबार्‍याने खेळ चालवलाय..
डम डम डमाक डम डम डमाक

आम्हाला शिकवलंय त्याने, नाचायला..
आम्ही नाचायला लागतो जेव्हा आवाज येतो,
डम डम डमाक डम डम डमाक

आम्हाला आमचे अधिकार नाहीत,
आम्ही तेच करतो जे लोकांना आवडंत
कारण तेव्हाच धन्याचं आणि आमचं पोट भरतं..
डम डम डमाक डम डम डमाक

का करतो आम्ही हे काम?
कारण आमच्या आई-बापानं हेच केलं..
आमची मुलं काय करणार?
हेच काम करणार..
युगांपासून डोळ्यांना बांधलेली पट्टी आम्हाला आवडते..!
डम डम डमाक डम डम डमाक....